Fusi igitur primo impetu et clamore hostes,
oppidum captum;
duplicique victoriā ouantem Romulum
Hersilia coniunx, precibus raptarum fatigata, orat
ut parentibus earum det veniam et in civitatem accipiat:
ita rem coalescere concordia posse. Facile impetratum.
Inde contra Crustuminos ...bellum inferentes (Romulus) profectus.
Ibi minus etiam ...certaminis fuit.
quod alienis cladibus ceciderant animi.
Vtroque (oppido) coloniae missae: plures inventi
qui ... nomina darent in Crustuminum, propter ubertatem terrae.
Et Romam inde frequenter migratum est,
a parentibus maxime ac propinquis raptarum.
Nouissimum ab Sabinis bellum ortum multoque id maximum fuit; ...
Consilio etiam additus dolus. Sp. Tarpeius Romanae praeerat arci.
Huius filiam virginem auro corrumpit Tatius
ut armatos in arcem accipiat;
aquam forte ea tum sacris extra moenia petitum ierat.
Accepti obrutam armis necavēre,
seu ut vi capta potius arx videretur
seu prodendi exempli causa
ne quid usquam fidum proditori esset.
Additur fabula, quod volgo Sabini ...habuerint,
aureas armillas magni ponderis brachio laevo
gemmatosque magna specie anulos
pepigisse eam quod in sinistris manibus haberent;
eo scuta illi pro aureis donis congesta.
Sunt qui ... dicant... eam ... arma petisse
ex pacto tradendi quod in sinistris manibus esset
et fraude visam agere suā ipsam peremptam mercede.
[12] Tenuēre tamen arcem Sabini; atque inde postero die,
cum Romanus exercitus instructus ... complesset (locum)
quod inter Palatinum Capitolinumque collem campi est,
non prius descenderunt (Sabini) in aequum
quam irā et cupiditate reciperandae arcis stimulante animos
in adversum Romani subiēre.